സിംപ്ലി റിലയന്‍സ് പദ്ധതികളുടെ വിജയത്തെത്തുടര്‍ന്ന് റിലയന്‍സ് കമ്മ്യൂണിക്കേഷന്‍സ് എസ്.എം.എസ്. പാക്കുകള്‍ക്ക് ടോഗ്ലിങ് സൗകര്യം ഏര്‍പ്പെടുത്തി. പ്രീപെയ്ഡ് പദ്ധതിക്കൊപ്പം എസ്.എം.എസ്. പാക്കുകള്‍ ഉപയോഗിക്കുന്ന മൊബൈല്‍ ഉപയോക്താക്കള്‍ നേരിടുന്ന ബുദ്ധിമുട്ടിനുള്ള പരിഹാരമാണ് ടോഗ്ലിങ്. എന്തെങ്കിലും കാരണത്താല്‍ റീച്ചാര്‍ജ് ചെയ്യാന്‍ കഴിയാതെ ബാലന്‍സ് കുറവായിപ്പോകുന്ന അവസരങ്ങളിലും എസ്.എം.എസ്. പാക്കിന്റെ ആനുകൂല്യങ്ങള്‍ ഉപയോഗിക്കാന്‍ ഇത് അവസരമേകുമെന്ന് റിലയന്‍സ് കമ്മ്യൂണിക്കേഷന്‍സ് സി.ഇ.ഒ. (കേരള) ചെറിയാന്‍ പീറ്റര്‍ പറഞ്ഞു.
10 കോടി വരിക്കാരെ നേടിയ ആഘോഷങ്ങളുടെ ഭാഗമായാണ് റിലയന്‍സ് ഈ പദ്ധതി അവതരിപ്പിക്കുന്നത്. ടോഗ്ലിങ് സംവിധാനമുള്ള രണ്ട് പാക്കുകളാണ് വിപണിയിലെത്തിച്ചിരിക്കുന്നത്. ഒന്നാമത്തേതില്‍ എസ്.എം.എസിന് ഒരു പൈസയാണ്. 19 രൂപയാണ് എം.ആര്‍.പി.
പ്രതിമാസ എസ്.എം.എസ്. പദ്ധതിയാണ് മറ്റൊന്ന്. 39 രൂപയാണ് എം.ആര്‍.പി. രണ്ടിനും കാലാവധി 30 ദിവസമാണ്.
ബാലന്‍സ്, റീച്ചാര്‍ജ് തുടങ്ങിയവയെച്ചൊല്ലി ആശങ്കകളില്ലാതെ മൊബൈല്‍ ഉപയോഗം അനായാസമാക്കുകയാണ് ടോഗ്ലിങ്ങിന്റെ ലക്ഷ്യമെന്ന് ചെറിയാന്‍ പീറ്റര്‍ കൂട്ടിച്ചേര്‍ത്തു.
No comments:
Post a Comment