ഇന്ത്യയിലെ മുന്‍നിര സെല്ലുലാര്‍ സേവന ദാതാക്കളായ വോഡഫോണ്‍ എസ്സാറും ആഗോള വയര്‍ലെസ് വാര്‍ത്താവിനിമയ രംഗത്തെ പ്രമുഖരായ റിസര്‍ച്ച് ഇന്‍ മോഷനും (റിം) സംയുക്തമായി വോഡഫോണ്‍ പ്രീപെയ്ഡ് വരിക്കാര്‍ക്കായി ബ്ലാക്‌ബെറി പ്ലാനുകള്‍ അവതരിപ്പിച്ചു.
പ്രതിദിനം, മൂന്നു ദിവസം, പ്രതിവാരം, പ്രതിമാസം എന്നിങ്ങനെ ഇഷ്ടമുള്ളത് തിരഞ്ഞെടുക്കാം. ഇ-മെയില്‍, ബ്ലാക്‌ബെറി മെസഞ്ചര്‍ ഇന്‍സ്റ്റന്‍റ് മെസേജിങ് സോഷ്യല്‍ നെറ്റ്‌വര്‍ക്കിങ്, ഇന്‍റര്‍നെറ്റ് ബ്രൗസിങ്, ബ്ലാക്‌ബെറി ആപ്ലിക്കേഷന്‍ സ്റ്റോര്‍ ആക്‌സസ് ചെയ്യാനുള്ള സൗകര്യം എന്നിവ ദിവസം 15 രൂപ നിരക്കില്‍ ബ്ലാക്‌ബെറി വഴി ലഭ്യമാകും.
മൂന്നു ദിവസത്തേതിന് 44 രൂപ, പ്രതിവാര പ്ലാനിന് 100 രൂപ, പ്രതിമാസ പ്ലാനിന് 399 രൂപ എന്നിങ്ങനെയാണ് നിരക്ക്. ഹോട്ട് മെയില്‍, യാഹു മെയില്‍, ഗൂഗിള്‍ മെയില്‍ എന്നിവയോടൊപ്പം വിന്‍ഡോസ് ലൈവ് മെസഞ്ചര്‍, ഗൂഗിള്‍ ടോക്, യാഹു മെസഞ്ചര്‍ തുടങ്ങിയവയും ബ്ലാക്‌ബെറി സേവനത്തിലൂടെ ലഭിക്കുമെന്ന് വോഡഫോണ്‍ എസ്സാര്‍ ചീഫ് മാര്‍ക്കറ്റിങ് ഓഫീസര്‍ കുമാര്‍ രാമനാഥന്‍ പറഞ്ഞു.
No comments:
Post a Comment